© holiday.by
4–5 жніўня ў гродзенскім дыяцэзіяльным санктуарыі Пана Езуса Журботнага ў Росі (Ваўкавыскі дэканат) па традыцыі адбудзецца малітоўнае чуванне. Дэвіз сёлетніх урачыстасцяў — «Жыць Евангеллем».
Да ўдзелу ў чуванні і малітве перад славутай ласкамі фігурай Пана Езуса Журботнага ў Росі заклікаў сваім паведамленнем усіх вернікаў дыяцэзіі біскуп Гродзенскі Аляксандр Кашкевіч.
Праграма ўрачыстасцяў у Росі
4 жніўня (субота)
- з 17.00 — прывітанне пілігрымаў
- 18.00 — св. Імша з удзелам пілігрымаў (цэлебруе дапаможны біскуп Гродзенскай дыяцэзіі Юзаф Станеўскі)
- 21.00 — прэзентацыя груп пілігрымаў
- 22.00 — духоўная канферэнцыя
- 22.30 — выстаўленне Найсвяцейшага Сакрамэнту, Эўхарыстычная адарацыя, чуванне
5 жніўня (нядзеля)
- 1.00 — перапынак на каву
- 2.00 — Ружанец (радасныя таямніцы)
- 3.00 — Вяночак да Божай Міласэрнасці з разважаннямі
- 4.00 — індывідуальная адарацыя
- 6.30 — Ружанец (хвалебныя таямніцы)
- 7.30 — працэсія вакол святыні, акт прысвячэння каля фігуры Маці Божай Каралевы Супакою
- 8.00 — Гадзінкі аб Беззаганным Зачацці Найсвяцейшай Панны Марыі
- 9.00 – урачыстая святая Імша (цэлебруе біскуп Гродзенскі Аляксандр Кашкевіч), благаслаўленне на заканчэнне ўрачыстасці
