5 мая ў Мінску адбудзецца турнір па міні-футболе пад назвай «Кубак Дамініка Савіо». Запрашаюцца каманды, удзельнікам якіх ад 13 да 15 гадоў.
Максімальны склад каманды – 7 чалавек (падчас гульні на пляцоўцы не можа знаходзіцца адначасова больш за аднаго 15-гадовага футбаліста). Кожны ўдзельнік павінен узяць з сабой ксеракопію пашпарта.
Гульня будзе праходзіць у фармаце 4 на 4 (3 футбаліста ў полі + 1 брамнік). Гуляюцца 2 таймы па 7 хвілін.
Колькасць каманд абмежавана. Удзельнічаць у турніры будуць першыя 8 каманд, якія дашлюць заяўку на электронны адрас: football@sdb.by.
Расклад турніру:
- 09.30 – прыбыццё каманд (Мінск, Пляханава 28/1)
- 10.00 – святая Імша на распачацце турніру
- 10.50 – гульнявая праграма
- 17.30 – 18.10 – цырымонія ўзнагароджвання
Заяўкі прымаюцца да 1 мая ўключна. Лёсаванне каманд будзе праведзена анлайн, час і дзень будуць вызначаны пазней.
За дадатковай інфармацыяй можна звяртацца па тэлефонах:
+375 29 258 77 62; +375 25 658 51 09 (Уладзіслаў)
