З 6 па 11 ліпеня Рада па справах сям’і пры Канферэнцыі Каталіцкіх Біскупаў у Беларусі арганізоўвае т.зв. «Школу нараджэння» для сужэнцаў, гінеколагаў, акушэраў і іншых зацікаўленых, мэта якой — падрыхтоўка бацькоў да натуральных родаў. Яна пройдзе ў Беларусі ўжо ў восьмы раз у Навагрудку.
Курсы рыхтуюць перш за ўсё будучых «інструктараў», якія будуць дапамагаць маладым бацькам у падрыхтоўцы да родаў.
«Школа» прапануе цыкл сустрэч:
- выкананне спецыяльнай гімнастыкі
- музыкатэрапія
- адпачынак, рэлакс
- падрыхтоўка да нараджэння
- догляд нованароджанага
Заняткі праходзяць у цікавай і разнастайнай форме: гэта слуханне лекцый, прагляд фільмаў і абавязкова малітва за дзяцей.
«Школа нараджэння» носіць хрысціянскі характар, бо засноўваецца на малітве і асабістай размове з Богам. Галоўным пунктам дня будзе Эўхарыстыя.
Шмат увагі тут прысвячаецца як самому працэсу нараджэння, так і ролі бацькоў — не толькі маці, але і бацькі, бо роды — важная сямейная падзея.
Дзякуючы добрым уражанням удзельнікаў з папярэдніх гадоў, «Школа нараджэння» — гэта працэс, які не заканчваецца пасля пяці дзён, а заахвочвае новых людзей да ўдзелу ў плануемых занятках у будучыні.
Запіс да 26 чэрвеня па тэл.:
Ірына Мялешка +375 29 588 42 73
meleshko_irina@mail.ru
