Ужо традыцыйна ў час Вялікага посту хрысцiянскi кiнаклуб «Рэха» з мінскай Кальварыі запрашае на прагляд фільма «Пакуты Хрыстовы» рэжысёра Мэла Гібсана.
«Вось ідзе Езус Хрыстус, нясе Крыж побач з намі, дзеля нас. Дзе знаходжуся я? У натоўпе, які крычыць: „Укрыжуй Яго!“? Ці ціхенька сяджу ў доме за зачыненымі вокнамі і мяркую, што гэта не мая справа? Або мне проста шкада змучанага чалавека, якога вядуць на смерць? Ці, можа, дапамагаю несці цвікі? Або крыж?
Дзе я знаходжуся? Спадзяёмся, што прагляд гэтага фільма дапаможа зразумець, дзе насамрэч знаходзіцца кожны з нас, і, можа, штосьці змяніць...» — звяртаюцца арганізатары.
Прагляд стужкі пройдзе 18 сакавіка ў 19.00 у мінскім касцёле Узвышэння Святога Крыжа (Кальварыя), што на Кальварыйскiм праездзе, 1.
