28 верасня ў 19.00 у мінскай парафіі Свв. Сымона і Алены (Чырвоны касцёл) пройдзе святая Імша, якую ўзначаліць кардынал Марк Уэлле, прэфект Кангрэгацыі па справах Біскупаў.
Трансляцыя будзе дасяжная на нашым сайце альбо па спасылцы>>>
У Беларусь кардынал прыбудзе на пленарнае пасяджэнне Рады Канферэнцый Біскупаў Еўропы, якое пройдзе ў Мінску 28-30 верасня. На асамблеі кардынал Уэлле будзе прадстаўляць Святы Пасад.
Кардынал нарадзіўся ў Канадзе ў 1944 годзе. Былы сакратар Папскай рады спрыяння хрысціянскаму адзінству. Размаўляе на шасці мовах (англійскай, французскай, іспанскай, партугальскай, італьянскай і нямецкай), а таксама разумее латынь і іўрыт.
На сёння кардынал Уэлле выконвае абавязкі прэфекта Кангрэгацыі па справах Біскупаў і старшыні Папскай камісіі па Лацінскай Амерыцы.
