28 верасня ў Мінск прыбудуць старшыні біскупскіх канферэнцый Еўропы, каб прыняць удзел у Пленарным пасяджэнні Рады Канферэнцый Біскупаў Еўропы. У межах асамблеі іерархі наведаюць некаторыя парафіі Мінска.
28 верасня
19.00 — святая Імша ў мінскім касцёле свв. Сымона і Алены (Чырвоны касцёл). Галоўны цэлебрант: кардынал Марк Уэлле, прэфект Кангрэгацыі па справах Біскупаў
29 верасня
18.30 — святая Імша ў мінскай архікатэдры. Галоўны цэлебрант: Мітрапаліт Тадэвуш Кандрусевіч. Пасля Эўхарыстыі — сведчанні моладзі
30 верасня
18.30 — святая Імша ў мінскім касцёле Найсвяцейшай Тройцы (св. Роха) на Залатой Горцы. Галоўны цэлебрант: кардынал Анджэло Баньяска, арцыбіскуп Генуі, старшыня Рады Канферэнцый Біскупаў Еўропы
1 кастрычніка старшыні епіскапатаў Еўропы наведаюць некаторыя парафіі Мінска, дзе ўзначаляць святыя Імшы і сустрэнуцца з вернікамі. Расклад на 1 кастрычніка з'явіцца пазней.
Да ўдзелу ў набажэнствах запрашаюцца вернікі ўсіх мінскіх парафій і госці сталіцы.
