1 ліпеня 2017 г. Будслаў. Фота Аляксандры Шчыглінскай
15 кастрычніка фігура Маці Божай Фацімскай вернецца ў мінскую архікатэдру — святыню, з якой год таму 16 кастрычніка распачыналася яе перэгрынацыя па парафіях архідыяцэзіі.
У катэдры фігура будзе змешчана ў бочным алтары, адмыслова змайстраваным да 100-годдзя фацімскіх аб’яўленняў.
Праграма апошняга дня перэгрынацыі:
- 11.00 — святая Імша ў касцёле свв. Сымона і Алены
- Працэсія з фігурай ад Чырвонага касцёла да архікатэдры
- 13.00 — святая Імша на заканчэнне юбілейнага года фацімскіх аб’яўленняў
Фігура Фацімскай Панны, благаслаўлёная Мітрапалітам Тадэвушам Кандрусевічам у Фаціме 4 кастрычніка 2016 г., прыбыла ў Беларусь 13 кастрычніка з нагоды святкавання 100-годдзя аб’яўленняў Маці Божай у Фаціме.
Красавік 2017 г. Перэгрынацыя фігуры ў Багданаве. Фота Марыны Валасар
За год свайго падарожжа фігура наведала больш за 120 парафій толькі ў Мінска-Магілёўскай архідыяцэзіі. Перэгрынацыя была арганізавана ва ўсіх дыяцэзіях Беларусі.
