Ужо шосты раз, пачынаючы з 2021 года, у Беларусі пройдзе малітоўны кангрэс у абарону жыцця і сям’і. «Сяліба Беззаганнай» у Удзеле і парафія Святой Тройцы ў Глыбокім (Віцебская дыяцэзія) прымуць удзельнікаў кангрэса з 30 кастрычніка да 1 лістапада.
За мінулыя гады ўжо сфарміравалася кола пастаянных удзельнікаў малітоўных кангрэсаў, католікаў, а таксама праваслаўных, якія разумеюць, што з грахамі абортаў, кантрацэпцыі, ЭКА, разводаў і распусты можна змагацца толькі прыносячы глыбокае пакаянне за іх.
Менавіта да гэтага заклікае святы Ян Хрысціцель: «Прынясіце ж годны плён пакаяння» (Мц 3, 8).
Гэта так патрэбна сёння нашай зямлі, залітай крывёю не толькі з-за шматлікіх войнаў, але ў першую чаргу з-за мільёнаў дзіцячых жыццяў, загубленых ва ўлонні маці.
Асаблівым госцем на сёлетнім кангрэсе будзе біскуп Атаназій Шнайдэр (Астана, Казахстан), вядомы абаронца вучэння Каталіцкага Касцёла, які падзеліцца бачаннем сям’і, як школы веры і любові. Таксама ў межах кангрэса пройдзе прэзентацыя яго кнігі Credo, якая з’яўляецца фактычна катэхізісам, кампендыумам каталіцкай веры.
У рамках кангрэса сваё сведчанне аб неабходнасці малітвы ў абарону жыцця прадставіць экзарцыст Віцебскай дыяцэзіі ксёндз Міхаіл Цвячкоўскі MIC.
Рэгістрацыя на кангрэс ТУТ>>>
Праграма кангрэса ТУТ>>>
Відэа з папярэдніх кангрэсаў:
