У суботу, 8 жніўня, у дыяцэзіяльным санктуарыі Маці Божай Суцяшальніцы засмучаных у Барунах (Гродзенская дыяцэзія, Ашмянскі дэканат), у 5-ы раз распачнецца 9-тыднёвая навэнна, падчас якой яе ўдзельнікі будуць дзякаваць за дар каранацыю цудадзейнага абраза і выпрошваць патрэбныя духоўныя дары.
Суботы кожнага з гэтых тыдняў будуць прызначаны для пэўных дэканатаў Гродзенскай дыяцэзіі і малітоўных груп. Гэты падзел з’яўляецца ўмоўным: наведваць санктуарый могуць усе пілігрымы ў любы час.
Праграма навэнны па суботах
(падзел па дэканатах)
- 8 жніўня – Ашмянскі дэканат;
- 15 жніўня – людзі ў старэйшым узросце, самотныя, хворыя;
- 22 жніўня – дэканаты Гродна-Усход, Гродна-Захад, Сапоцкінскі і Бераставіцкі дэканаты;
- 29 жніўня – усе касцёльныя групы: «Легіён Марыі», «Маці ў малітве», ружанцовыя колы, апостальскі рух «Маргарытка»;
- 5 верасня – дзеці і моладзь;
- 12 верасня – Ваўкавыскі, Мастоўскі, Навагрудскі, Слонімскі, Дзятлаўскі дэканаты;
- 19 верасня – сем'і;
- 26 верасня – Шчучынскі, Радунскі, Лідскі дэканаты;
- 3 кастрычніка – Іўеўскі, Смаргонскі, Астравецкі дэканаты.
Кожную суботу ў 12.00 у санктуарыі будзе цэлебравацца Імша для пілігрымаў.
Знакавай падзеяй і кульмінацыяй навэнны стане ўрачыстасць Маці Божай Барунскай, якая адбудзецца ў санктуарыі 10 кастрычніка.
Пачатак у 12.00.
Атрымаць дадатковую інфармацыю можна па тэлефоне:
+375 (29) 582 25 62 – кс. Павел Паўлюкевіч, кусташ санктуарыя ў Барунах
