Айцы францішкане запрашаюць ахвотных на рэкалекцыі Lectio Divina па кнізе Дзеяў Апосталаў, спалучаныя з індывідуальным духоўным кіраўніцтвам.
Духоўныя практыкаванні пройдуць з 22 па 24 мая ў Івянцы (Мінска-Магілёўская архідыяцэзія, Валожынскі дэканат) перад урачыстасцю Спаслання Духа Святога, каб праз медытацыю Божага Слова ўдзельнікі маглі лепш падрыхтавацца да прыняцця Яго дароў і самой урачыстасці. Падчас рэкалекцый адбудзецца вечаровая малітва праслаўлення, спалучаная з індывідуальнай малітвай заступніцтва.
Апроч канферэнцый, працы ў групах і асабістай малітвы, кожны з удзельнікаў падчас штодзённай сустрэчы на размове з душпастырам зможа акрэсліць, на якую сферу жыцця запрашае яго паўплываць пачутае, прачытанае і прамоўленае Слова.
Удзел у рэкалекцыях могуць прыняць толькі паўналетнія асобы.
Колькасць удзельнікаў абмежаваная.
Запісацца на рэкалекцыі можна да 21 мая, запоўніўшы электронны фармуляр па спасылцы ТУТ>>>
Атрымаць больш інфармацыі можна па тэл.: +375 (29) 556 77 98 — айцец Яўген.
