5 лютага ў мінскім архікатэдральным касцёле Імя Найсвяцейшай Панны Марыі адбудзецца агульная сустрэча моладзі ў гэтым навучальным годзе. Спецыяльным госцем на ёй будзе арцыбіскуп Іньяцыё Чэффаліа, Апостальскі Нунцый ў Рэспубліцы Беларусь.
Гэтая сустрэча, арганізаваная душпастырствам моладзі Мінска-Магілёўскай архідыяцэзіі, адбудзецца згодна з планам на год 2025/2026. З парадкам усіх мерапрыемстваў можна азнаёміцца ТУТ>>>
Сустрэча адбудзецца ў дольным касцёле архікатэдры. На сустрэчы з маладымі людзьмі арцыбіскуп падзеліцца сваімі разважаннямі над урыўкам з Бібліі: «Не дастасоўвайцеся да ментальнасці гэтага свету…» (пар. Рым 12, 2).
Дадатковая інфармацыя па тэлефоне:
+375 (29) 357-15-86 — ксёндз Андрэй Бурак, адказны за душпастырства моладзі Мінска-Магілёўскай архідыяцэзіі.
