Фота: grodnensis.by
У суботу, 6 снежня, у гродзенскай катэдры святога Францішка Ксаверыя чацвёра студэнтаў Міждыяцэзіяльнай вышэйшай духоўнай семінарыі ў Гродне прымуць дыяканскае пасвячэнне.
Святая Імша, на якой адбудзецца пасвячэнне, пачнецца ў 12.00. Удзеліць пасвячэнне біскуп Гродзенскі Уладзімір Гуляй.
Пасвячэнне прымуць наступныя семінарысты (усе чацвёра паходзяць з Гродзенскай дыяцэзіі):
- Віталій Сямёнаў — нарадзіўся 3 мая 2002 года, належыць да парафіі Узвышэння Святога Крыжа ў Лідзе;
- Аляксей Ціхан — нарадзіўся 23 кастрычніка 1998 года, належыць да парафіі Узвышэння Святога Крыжа ў Лідзе;
- Дзмітрый Роўны — нарадзіўся 11 снежня 2000 года, належыць да парафіі Унебаўзяцця Найсвяцейшай Панны Марыі ў Новым Двары (Шчучынскі дэканат);
- Максім Ваўчок — нарадзіўся 8 снежня 1997 года, належыць да парафіі Маці Божай Тройчы Цудоўнай у Мастах.
Вернікаў заклікаюць маліцца за будучых дыяканаў, каб тыя як мага лепш падрыхтаваліся да пасвячэння і з вялікай руплівасцю служылі Касцёлу.
