30 лістапада ў касцёле Узвышэння Святога Крыжа ў Астраўцы (Гродзенская дыяцэзія) адбудзецца святая Імша аб вечным жыцці для памерлага пробашча мясцовай парафіі ксяндза Андрэя Горбача ў 30-ы дзень пасля смерці.
Святар раптоўна адышоў у вечнасць ва ўрачыстасць Усіх Святых, 1 лістапада, літаральна праз тыдзень пасля свайго 50-гадовага юбілею. Пахавалі пробашча каля святыні, дзе ён шмат гадоў нёс душпастырскае служэнне.
Імша ў 30-ы дзень пасля смерці будзе цэлебравацца ў свята святога Андрэя, апостала, — у дзень імянінаў спачылага ксяндза Андрэя.
- Пачатак у 12.00.
Вечны адпачынак дай яму, Пане…
