21 і 22 верасня ў Хрысціянскім сацыяльным цэнтры прайшоў першы тур рэкалекцый «Дні цішыні для Мінска», якія адбываюцца ў сталіцы па ініцыятыве ксяндзоў хрыстусоўцаў у межах духоўнай падрыхтоўкі да юбілею Святога 2025 года.
Удзельніцамі першага тура рэкалекцый сталі сямёра дзяўчат і жанчын, якія сабраліся на ўікэнд з Божым словам.
Рэкалекцыі распачаліся мяккім уваходам у цішыню, каб заглыбіцца ў Слова і пачуць тое, што кажа Пан. На кожную частку разважанняў над тэкстам з Пісання ўдзельніцы «Дзён цішыні» атрымлівалі інструкцыі духоўнага кіраўніка. На рэкалекцыях адбывался індывідульнае чытанне ўрыўка пра Марту і Марыю, быў вызначаны асабісты час трывання перад Панам, адбываліся таксама супольная Эўхарыстыя і дзяленне ў супольнасці. Удзельніцы лічаць, што гэта была добрая магчымасць сустрэцца з Езусам і плённа перажыць уікэнд.
- Запісацца на наступныя «Дні цішыні для Мінска», якія адбудуцца 19 і 20 кастрычніка, можна па спасылцы ТУТ>>>
Далучыцца могуць як тыя, хто ўжо ўдзельнічаў у lectio divina, так і тыя, хто толькі хоча навучыцца такім спосабам перажываць сустрэчу са словам Божым.
Яшчэ адзін тур рэкалекцый плануецца правесці ў лістападзе.
