![](/3/images/news/2023/10/2023-10-08-carlo-final2.jpg)
У нядзелю 8 верасня ў Мінску ёсць магчымасць пазнаёміцца з дзейнасцю незвычайнай супольнасці, якая называецца Сarlo Club, і далучыцца да яе.
Сarlo Club — гэта моладзевы клуб хрысціянскіх IT-энтузіястаў, дзейнасць якога скіравана на карысць Касцёла і дабро вернікаў на прасторы інфармацыйных тэхналогій. Ён распачаў сваю дзейнасць 12 кастрычніка мінулага года, ва успамін благаслаўлёнага італьянскага падлетка Карло Акуціса — «апостала інтэрнэту».
Клуб створаны з мэтай даць моладзі асноўныя веды на прасторы інфармацыйных тэхналогій, якія ў будучыні яны змогуць выкарыстоўваць на карысць Касцела і для дабра людей.
Арганізатарамі ініцыятывы сталі сужонкі Аліна і Максім Угорычы.
Праграма сустрэчы:
- 16.00 – Канферэнцыя на тэму «Сarlo Club: першыя вынікі і перспектывы»
- 16.30 – благаслаўленне і слова святара
- 17.00 – складанне канвы праекту «Аўтастрада да неба»
- 18.30 – пытанні і адказы
Знаёмства, арганізаванае для ўсіх, каму цікава, пройдзе ў Цэнтры сям’і, які знаходзіцца каля касцёла Маці Божай Будслаўскай па адрасе:
г. Мінск, вул. Івянецкая, 15.
Даведкі па тэлефоне:
+375 (44) 719 82 43 альбо праз інстаграм carlo_club.
Карло Акуціс з’яўляецца благаслаўлёным Каталіцкага Касцёла. Беатыфікацыя 15-гадовага хлопца адбылася 10 кастрычніка 2020 года ў Асізі.
Карло захапляўся інфарматыкай і шырока сведчыў аб любові да Эўхарыстыі ў інтэрнэце.
Ён стварыў міжнародную анлайн-выставу, прысвечаную, эўхарыстычным цудам, прызнаным Касцёлам. Папа Францішак назваў яго апосталам Эўхарыстыі і нябесным апекуном евангелізацыі ў інтэрнэце.