З 13 па 16 жніўня з Удзела (Віцебская дыяцэзія, Глыбоцкі дэканат) у Браслаў пройдзе экстрэмальная пакутніцкая пілігрымка, якую арганізуюць айцы францішкане.
За чатыры дні пілігрымы пешкі пераадолеюць каля 130-і кіламетраў і прыбудуць у Марыйны санктуарый Віцебскай дыяцэзіі на ўрачыстасці Маці Божай Браслаўскай, Валадаркі азёраў.
Пілігрымка распачнецца раніцай 13 жніўня святой Імшой у касцёле Беззаганнага Зачацця Найсвяцейшай Панны Марыі ў Удзеле а 8-й гадзіне.
Духоўная праграма пілігрымкі
- І дзень: перапрашэнне за ўласныя грахі
- ІІ дзень: перапрашэнне за грахі продкаў
- ІІІ дзень: перапрашэнне за грахі Айчыны і Касцёла
- IV дзень: праслаўлення Божай Міласэрнасці
Унёсак удзельніка — добраахвотнае ахвяраванне ў адвольным памеры
Увага! Колькасць удзельнікаў абмежавана.
Умовы ўдзелу ў пілігрымцы
- Узрост ад 16-і гадоў; да 18-і гадоў неабходны пісьмовы дазвол ад бацькоў.
- Кожны пілігрым нясе заплечнік з усімі сваімі рэчамі на працягу ўсёй дарогі. У дарозе не будзе магчымасці пад’язджаць самому, а таксама пакідаць і перавозіць рэчы.
- Начлегі пілігрымы будзуць шукаць супольна. Трэба быць гатовым да таго, што давядзецца спыніцца пад голым небам у намёце або на прыпынку, а, можа, таксама пашчасціць, і хтосьці возьме на начлег. У гэтай справе пілігрымы цалкам давяраюцца Божаму Провіду.
- Пасілкі падчас пілігрымкі ўдзельнікі арганізуюць самастойна: кожны нясе з сабой сваю ежу. У дарозе будзе магчымасць зайсці ў краму або атрымаць ежу ад сустрэтых людзей.
- Пілігрымаванне будзе адбывацца ў цішыні, акрамя супольнай малітвы. Канферэнцыі будуць у аўдыёфармаце, таму кожны удзельнік павінен мець з сабой тэлефон і навушнікі. Размовы дазволены толькі падчас адпачынкаў.
- Кожны ўдзельнік, акрамя заплечніка, нясе свой асабісты крыж, падрыхтаваны загадзя.
- Самае галоўнае, каб пілігрым меў сваю інтэнцыю, у якой будзе ахвяраваць свае пакуты і маліцца ў дарозе.
- Важна: пілігрым павінен прайсці увесь шлях ад пачатку да канца; магчымасці далучыцца ў адзін з наступных дзён не прадугледжана.
Больш дакладна пра пілігрымку можна даведацца па тэл.:
+375 (29) 772 56 78 — айцец Віктар Мялешка OFMConv
- Анлайн-рэгістрацыя ТУТ>>>
