Ілюстрацыйная выява: static.billboard.com
У Гродне праводзіцца набор слухачоў на Курсы сямейнага жыцця пры Канферэнцыі Каталіцкіх Біскупаў у Беларусі на 2024/2025 навучальны год.
Курсы арганізаваныя для ўсіх ахвотных, якія зацікаўленыя дабром сям’і.
Яны даюць унікальную магчымасць набыць шмат карысных ведаў, якія прыдадуцца кожнаму ва ўласным жыцці, а таксама дазволяць дапамагчы іншым разабрацца ў крызісных сітуацыях.
Вядуць заняткі як духоўныя асобы, так і кваліфікаваныя свецкія спецыялісты ў сферы сужэнства і сям’і.
Што даюць курсы і як яны праходзяць?
- Мэта курсаў — падрыхтоўка сямейных дарадчыкаў, якія могуць дапамагаць пры парафіях, у падрыхтоўцы сямейных пар да сакрамэнту сужэнства, а таксама ў сямейнай кансультацыі.
- Форма навучання завочная. Курс працягваецца тры з паловай гады.
- Заняткі праводзяцца раз на месяц (субота і нядзеля), з кастрычніка па чэрвень.
- Месца навучання: касцёл Найсвяцейшага Адкупіцеля (г. Гродна, вул. Курчатава, 41).
- Пасля заканчэння Курсаў сямейнага жыцця слухач атрымлівае дыплом, які з’яўляецца падставай для выканання функцыі сямейнага кансультанта пры парафіях.
Для залічэння на курсы неабходна прадставіць дакументы:
- уласнаручна напісаная заява аб прыняцці з матывацыяй свайго рашэння,
- уласнаручна напісанная аўтабіяграфія,
- рэкамендацыя ад пробашча,
- 2 фатаграфіі (3х4 см),
- ксеракопія дыплома аб заканчэнні навучальнай установы,
- ксеракопія пашпарта (старонкі 31–33).
Увага! Запіс па тэлефоне да 10 кастрычніка.
Падрабязная інфармацыя і запіс па тэл.:
+375 29 588 42 73 — Ірына Мялешка (тэлефанаваць па буднях з 18.00 да 20.00 гадзін)
