9 і 10 жніўня ў мястэчку Лагішын, што каля Пінска (Пінская дыяцэзія), адбудуцца традыцыйныя дыяцэзіяльныя ўрачыстасці ў гонар Маці Божай Лагішынскай, Каралевы Палесся.
З гэтай нагоды ў Лагішын пешкі і на транспарце прыбудуць шматлікія пілігрымы, каб прасіць у Багародзіцы заступніцтва і дапамогі для сябе і сваіх блізкіх.
6 жніўня на Марыйны фэст у лагішынскі санктуарый вырушаць традыцыйныя чатырохдзённыя пешыя пілігрымкі з Баранавічаў і з Бярозы.
Удзельнікі ўрачыстасцяў будуць маліцца перад цудадзейным абразом Маці Божай Лагішынскай, Каралевы Палесся, Апякункі Пінскай дыяцэзіі, вядомым шматлікімі Божымі ласкамі, якія вернікі атрымліваюць у гэтым месцы праз заступніцтва Найсвяцейшай Панны.
Праграма ўрачыстасцяў
- 9 жніўня, пятніца
- 18.00 – прывітанне пешых пілігрымак з Баранавічаў, Бярозы і паломніцкіх груп з іншых мясцін;
- 19.00 – 21.00 – адарацыя Найсвяцейшага Сакрамэнту перад цудадзейным абразом Маці Божай, магчымасць споведзі;
- 20.30 – Навэнна да Маці Божай Лагішынскай;
- 21.00 – Акафіст на ўшанаванне Маці Божай (грэка-каталіцкая супольнасць);
- 22.00 – святая Імша з удзелам пілігрымаў;
- Пасля св. Імшы – урачыстая малітоўная працэсія са свечкамі вакол санктуарыя Маці Божай Лагішынскай;
- канцэрт праслаўлення парафіяльных музычных гуртоў і пілігрымаў з удзелам праекту «Рыбы»;
- усяночнае малітоўнае чуванне перад цудадзейным абразом Маці Божай Лагішынскай, магчымасць споведзі.
- 10 жніўня, субота
- 7.30 – Гадзінкі аб Беззаганным Зачацці Найсвяцейшай Панны Марыі;
- 8.00 – святая Імша;
- 10.00 — урачыстая святая Імша з удзелам пілігрымаў;
- 12.00 – благаслаўленне пілігрымаў на заканчэнне ўрачыстасці.
Падрабязную інфармацыю адносна Лагішынскага фэсту можна атрымаць па тэлефоне (+Viber):
+375 (29) 726 83 79 — ксёндз Андрэй Шут, пробашч парафіі ў Лагішыне
