З 20 па 27 ліпеня беларусы-католікі замежжа ў трэці раз пойдуць пешай пілігрымкай Варшава – Кодэнь – Кастамлоты.
Сёлета пілігрым пройдуць 210 кіламетраў пад дэвізам «З Богам да Беларусі 2.0».
Словы выбраныя нездарма: царква святога Мікіты Мучаніка, да якой ідзе пілігрымка, знаходзіцца ў 200 метрах ад беларускай мяжы. На працягу тыдня будзе шмат малітвы за Беларусь, за беларусаў і аб супакоі.
Апошнім пунктам перад Кастамлотамі будзе горад Кодэнь, дзе ўдзельнікі рэкалекцый змогуць памаліцца перад цудадзейным абразом Маці Божай Кодэньскай.
Маршрут пілігрымкі ідзе праз лясы і вёсачкі, з кожным кіламетрам усё больш прыгадваючы родныя мясціны і беларускія ландшафты. Арганізатары запэўніваюць, што гэта будзе плённы час, каб адпачыць ад штодзённай рэчаіснасці, узбагаціцца духоўна і знайсці адказы на шмат пытанняў.
Яшчэ ёсць магчымасць запісацца ў пілігрымку. Уся падрабязная інфармацыя і спасылка на рэгістрацыю ТУТ>>>
