Пілігрымка вырушыць з Росіцы 28 чэрвеня і будзе працягвацца восем дзён. Пілігрымы прыбудуць у Будслаў 5 ліпеня, на распачацце сёлетняга Будслаўскага фэсту.
Арганізатары пілігрымкі запрашаюць зацікаўленых да ўдзелу, а таксама падзяліцца інфармацыяй з іншымі.
- Пілігрымка распачнецца ў Росіцы святой Імшой а 8-й гадзіне.
- Маршрут пілігрымкі: Росіца–Верхнядзвінск–Мёры–Германавічы–Задарожжа–Падсвілле–Крулеўшчына–Параф’янава–Будслаў.
Запіс у пілігрымку (абавязковы!) і дадатковая інфармацыя па тэл.:
+375 (29) 713 02 33 — ксёндз Аляксандр Жарнасек МІС.
Неабходнае для пілігрыма:
- добры абутак (найлепш не новы)
- галаўны ўбор (пажадана з большымі краямі)
- спальнік і турыстычны карымат (ён таўсцейшы і больш плотны за дыванок для фізічных заняткаў). Як і ў мінулыя гады, плануецца адна начоўка ў школе, але гэтым разам не будзе надзіманых матрасаў
- плашч або дажджавік
- асабістыя лекі, а таксама крэм ад камароў і ад загара
- міска, кубак, лыжка, бутэлька для вады
- заплечнік на дзень у дарогу і торба на начлег
- ежы з сабой можна не браць, паколькі на начлегах пілігрымаў кормяць людзі, часам сустракаюць пачастункам сярод дня, а ў некаторых месцах будзе арганізаваны супольны пасілак
- ружанец і малітоўнік
