Фота Алены Бобр
У чацвер 23 мая у касцёле Унебаўзяцця Найсвяцейшай Панны Марыі ў Будславе (Мядзельскі дэканат) адбудзецца дзень засяроджання для святароў Мінска-Магілёўскай архідыяцэзіі.
У гэты дзень у Касцёле адзначаецца свята Езуса Хрыста, Найвышэйшага і Вечнага Святара. Майская сустрэча духавенства архідыяцэзіі ў месяц, асаблівым чынам прысвечаны Найсвяцейшай Панне Марыі, пройдзе ў галоўным Марыйным санктуарыі краіны.
Пачатак сустрэчы духавенства ў 11.00.
Узначаліць сустрэчу Мітрапаліт Мінска-Магілёўскі арцыбіскуп Юзаф Станеўскі.
Святарам для цэлебрацыі святой Імшы неабходна мець альбу; для ўсіх удзельнікаў будуць падрыхтаваныя арнаты.
