Фота Віталія Палінеўскага
У Вялікі чацвер, які сёлета прыпадае 28 сакавіка, у паўсюдным Касцёле адбываецца ўспамін устанаўлення сакрамэнтаў Эўхарыстыі і святарства.
У першай палове дня ў катэдральных касцёлах з гэтай нагоды цэлебруюцца Імшы з удзелам біскупаў і прэзбітэрыя, падчас якіх здзяйсняецца кансэкрацыя алея Хрызма і благаслаўленне алея хворых.
У Мінска-Магілёўскай архідыяцэзіі ўрачыстая цэлебрацыя Імшы Хрызма адбудзецца ў архікатэдральным касцёле Найсвяцейшага Імя Марыі ў Мінску.
Імша Хрызма распачнецца ў 10.00. Пасля Імшы адбудзецца пастырская сустрэча духавенства і кансэкраваных асоб архідыяцэзіі.
Удзел у гэтай святой Імшы могуць узяць усе ахвотныя.
З мінскага катэдральнага касцёла на партале Catholic.by будзе весціся анлайн-трансляцыя ўрачыстай цэлебрацыі.
