Фота Віктара Ведзеня
28 лютага ў парафіяльным касцёле Найсвяцейшай Панны Марыі Ружанцовай і святога Дамініка ў мястэчку Ракаў (Мінска-Магілёўская архідыяцэзія, Валожынскі дэканат) будуць цэлебравацца святыя Імшы ў інтэнцыі ксяндза каноніка Дзмітрыя Барылы ў першую гадавіну смерці святара.
Пробашч парафіі Маці Божай Ружанцовай і святога Дамініка ў Ракаве і дэкан Валожынскага дэканату ксёндз канонік Дзмітрый Барыла адышоў у вечнасць 28 лютага 2023 года на 49-м годзе жыцця і 24-м годзе святарскага служэння.
У першую гадавіну з часу яго адыходу ў вечнасць у ракаўскай парафіі памоляцца за спачылага шматгадовага душпастыра.
- 12.00 – святая Імша з удзелам святароў
- 13.30 – малітва на парафіяльных могілках каля магілы спачылага ксяндза Дзмітрыя Барылы
- 18.00 – святая Імша
Да цэлебрацый могуць далучыцца ўсе ахвотныя святары.
