З 16 па 18 лютага ў рэкалекцыйным доме Бога Айца пры парафіі Святой Тройцы ў Росі (Гродзенская дыяцэзія, Ваўкавыскі дэканат) пройдуць рэкалекцыі для мужчын на тэму: «Куды вядуць мяне мае думкі?»
Куды вядуць мяне мае думкі? Гэтае пытанне павінен задаваць сабе кожны разумны чалавек, а тым больш гэтым пытаннем павінен задавацца сучасны хрысціянін, таму што думкі нашыя — гэта першае, што бачыць Айцец і Пан.
Думкі вельмі моцна ўплываюць на нашае жыццё, бо яны часта з’яўляюцца пачаткам нашых учынкаў, нашых паводзін і фундамэнтам нашага жыцця ўвогуле.
Мужчына — гэта той, хто ўмее справіцца са сваімі думкамі і скіраваць іх у добрае рэчышча, выкарыстаць іх як «будаўнічы матэрыял ці інструмент» у сваім жыцці. Таму падчас гэтых рэкалекцый мы будзем разважаць і задаваць вельмы важныя пытанні:
- Чым з’яўляюцца думкі для хрысціяніна?
- Як імі кіраваць і накіроўваць ў добрае рэчышча?
- Як у жыцці ўжываць «хрысціянскае мысленне»?
- Мы будзем шукаць адказы на гэтыя і іншыя пытанні і падказкі для паўсядзённага жыцця.
- На рэкалекцыі запрашаюць дарослых мужчынаў (18+).
Духоўная сустрэча пройдзе пад кіраўніцтвам ксяндза Паўла Скубы, матэратара падрыхтоўчага перыяда Міждыяцэзіяльная вышэйшай семінарыі ў Гродне.
Ахвяраванне за ўдзел (разам за начлегамі і харчаваннем) — 100 рублёў, а таксама добраахвотнае ахвяраванне для ксяндза рэкалекцыяніста.
З сабой трэба ўзяць Біблію, нататнік, ручку.
Дадаткова інфармацыя і запіс па тэлефонах:
+375 (29) 588 34 56 – Вячаслаў
+375 (29) 546 83 19 – Аляксандр (таксама Viber і Telegram)
