Пошук

10.02.2024 11:33   Catholic.by
Абрагам і тры кнёлы. Мастак: Марк Шагал / wikiart.org

Дамініканская парафія святога Казіміра і святой Ядзвігі ў Магілёве запрашае да сумеснага чытання біблійнай Кнігі Быцця падчас сёлетняга Вялікага посту, які распачнецца ў Папялец 14 лютага.

Перад намі 50 раздзелаў Кнігі, якую часткова ведаем, але і не ведаем. Запрашаем да сустрэчы з асобамі і з іх жыцём, поўным прысутнасці Бога, таямінцаў і слабасцяў. Напэўна будзе шмат пытанняў і здзіўленняў.

Чытанне і малітва Словам Божым з выкарыстаннем сучасных каментароў каталіцкіх біблістаў пачынаецца ў Папяльцовую сераду (14 лютага) і заканчваецца ў Велікодную Сераду (3 красавіка).

Штодзённа ў Viber i Тelegram будуць размяшчацца каментары да асобных раздзелаў. Ахвотных далучыцца да гэтай велікапоснай сустрэчы са Словам Божым, запрашаем у суполку на Viber: Пост2024-Быцця і Тelegram https://t.me/byccia 

Кантакт: +375 (29) 291 92 11 — а. Раман Шульц OP

Удзельнікаў чытання заахвочваюць штодня маліцца да Святога Духа і Марыі, Маці Божага Слова, з просьбай аб плёнах Божага Слова ў нашым жыцці.

Абноўлена 10.02.2024 19:00
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця