20 студзеня, у межах Тыдня малітваў аб адзінстве хрысціянаў, Мітрапаліт Мінска-Магілёўскі арцыбіскуп Юзаф Станеўскі ўзначаліць экуменічнае набажэнства ў катэдральным касцёле Найсвяцейшага Імя Марыі ў Мінску.
У супольнай малітве, да якой далучыцца таксама Апостальскі нунцый у Беларусі арцыбіскуп Антэ Ёзіч, возьмуць удзел прадстаўнікі традыцыйных хрысціянскіх канфесій нашай краіны.
Экумэнічнае набажэнства распачнецца ў 19.15, пасля святой Імшы на 18.30.
Прамая трансляцыя набажэнства будзе даступная на партале Catholic.by.
Тыдзень малітваў аб адзінстве хрысціянаў праходзіць ва ўсім свеце з 18 па 25 студзеня.
Дэвізам сёлетняга экуменічнага тыдня сталі словы з Евангелля паводле Лукі: «Любі Пана Бога твайго <…>, а бліжняга свайго, як самога сябе» (Лк 10, 27).
Матэрыялы для экуменічных малітваў былі падрыхтаваныя экуменічнай супольнасцю з Буркіна-Фасо, якую каардынуе супольнасць Chemin Neuf — «Новы шлях», і зацверджаны Сусветнай радай Цэркваў і ватыканскай Дыкастэрыяй спрыяння хрысціянскаму адзінству.
