У суботу 16 верасня ў вёсцы Несутычы, што пад Навагрудкам (Гродзенская дыяцэзія), адбудзецца ўрачыстае благаслаўленне старадаўняй мураванай барочнай капліцы Святога Крыжа.
Абрад благаслаўлення здзейсніць Генеральны вікарый Мінска-Магілёўскай архідыяцэзіі біскуп Юрый Касабуцкі.
Малітва распачнецца ў 15.00, у гадзіну Божай Міласэрнасці.
Прыдарожная капліца ў Несутычах вядомая тым, што ў ёй захавалася ўнікальнае разблёнае Укрыжаванне, якое спецыялісты датуюць XVІII стагоддзем. Нядаўна была праведзена рэстаўрацыя твору сакральнага мастацтва, а таксама адноўлена сама капліца.
Фота: Мир24
На ўрачыстасць благаслаўлення старадаўняга месца культу пасля аднаўлення запрошаны шматлікія госці. Набажэнства ўпрыгожыць спевам дыяцэзіяльны хор Cantate Domino з Гродна.
