У суботу 5 жніўня ў Нацыянальным санктуарыі ў Будславе адбудзецца першая сустрэча ў межах малітоўнай падрыхтоўкі да прысвячэння Мінска-Магілёўскай архідыяцэзіі і ўсяго Каталіцкага Касцёла ў Беларусі Найсвяцейшаму Сэрцу Езуса.
Гэтая падрыхтоўка адбываецца ў абвешчаны Мітрапалітам Мінска-Магілёўскім арцыбіскупам Юзафам Станеўскім Год падзякі Маці Божай за Яе апеку і атрыманыя ласкі.
Цыкл прысвечаных гэтаму духоўных мерапрыемстваў распачне ў Нацыянальным санктуарыі арцыбіскуп эмэрыт Тадэвуш Кандрусевіч.
Сустрэча, за арганізацыю якой адказваюць духавенства і вернікі Бабруйскага дэканату Мінска-Магілёўскай архідыяэзіі, у адпаведнасці з планам падрыхтоўкі будзе прысвечана першай Божай запаведзі.
Трансляцыя сустрэчы даступная анлайн на You-Tube канале Нацыянальнага санктуарыя ў Будславе.
Праграма
- 10.30 – прыезд у Нацыянальны санктуарый; прывітанне пілігрымаў
- 11.00 – выстаўленне Найсвяцейшага Сакрамэнту
- набажэнства перапрашэння Беззаганнага Сэрца Марыі
- Фацімскі Ружанец, споведзь
- 12.00 – святая Імша
- 13.30 – супольны пасілак
- 14.15 – канферэнцыя на тэму першай Божай запаведзі
- перапрашэнне Найсвяцейшага Сэрца Езуса за парушэнне гэтай Божай запаведзі
- 15.00 – Вяночак да Божай Міласэрнасці
- благаслаўленне вады і рэлігійных рэчаў
- інтэрактыўны адпачынак
- 17.00 – благаслаўленне на вяртанне
