29 ліпеня парафія святога Казіміра ва Уселюбе (Гродзенская дыяцэзія, Навагрудскі дэканат) будзе вітаць удзельнікаў фестывалю-рэкалекцый NOVAFEST 2023.
Актыўна і плённа ідзе падрыхтоўка да трэцяга па ліку фестывалю, тэмай якога з’яўляецца адзінства. Глыбокі сэнс цытаты з Евангелля «Адно ёсць цела і адзін дух” (Эф 4, 4) будуць раскрываць спікеры: айцец Віталь Слука SP (г. Ліда), ксёндз Яўген Шымановіч (г. Орша), сястра Ігнацыя Чаеўская (г. Баранавічы). Прабачэнне — важная ўмова еднасці, таму падчас фестывалю-рэкалекцый арганізатары запрашаюць на Крыжовы шлях прабачэння.
У гэтым годзе для малодшых удзельнікаў будзе арганізавана дзіцячая зона (настольныя гульні на свежым паветры, майстар-класы, казкі з мяккімі цацкамі і іншае). Таксама дзяцей чакае квэст «Гадзінка з Марыяй» на падставе Марыйных аб’яўленняў. Дзеці даведаюцца пра асаблівасці кожнага з аб’яўленняў, парадуюць Марыю добрымі словамі і ўчынкамі, праявяць спрыт і кемлівасць падчас конкурсаў. Напрыканцы квэста — салодкі сюрпрыз.
Рыхтуюцца новыя паштоўкі для «Казіміраўскай пошты», на якіх будуць размешчаны выявы малюнкаў дзяцей, прадстаўленых на конкурс, што быў абвешчаны ў чэрвені.
Арганізатары просяць усіх, хто плануе зарэгістравацца, але яшчэ гэтага не зрабіў, не адкладаць рэгістрацыі на апошні тыдзень, а запоўніць рэгістрацыйную форму ці патэлефанаваць да 23 ліпеня.
Праграма
- 10.00 – рэгістрацыя ўдзельнікаў
- 11.00 – святая Імша
- 13.00 – канферэнцыя: «Адно цела і адзін дух» (кс. Яўген Шымановіч)
- 14.00 – адпачынак, асабісты час, абед
- 14.45 – Вяночак да Божай Міласэрнасці і праслаўленне спевамі
- 15.15 – квэст для дзяцей
- 15.30 – канферэнцыя: «Адзінства — дар Міласэрнага Айца» (с. Ігнацыя Чаеўская)
- 16.30 – сведчанні
- 18.30 – Крыжовы шлях прабачэння
- 20.00 – адарацыя; Ружанец; малітва аздараўлення
- 21.30 – благаслаўленне
Для ўдзелу ў фестывалі неабходна зарэгістравацца
- па тэлефоне на нумары:
- +375 (29) 883 28 70 – Вікторыя (telegram, viber)
- +375 (29) 267 30 28 – Аксана (telegram, viber)
- ці анлайн па спасылцы ТУТ>>>
Адрас: Касцёл святога Казіміра, вул. Чырвонаармейская 20, аг. Уселюб, Навагрудскі р-н, Гродзенская вобл.
Арганізатары прапануюць даезд па маршрутах Мінск–Уселюб–Мінск, Гродна–Уселюб–Гродна.
Сачыць за навінамі фестывалю-рэкалекцый можна ў інстаграм ТУТ>>>
