8 мая адбудзецца традыцыйная аднадзённая пешая пілігрымка з Пінска ў санктуарый Маці Божай Каралевы Палесся ў мястэчку Лагішын.
Катэдральная парафія Унебаўзяцця Найсвяцейшай Панны Марыі ў Пінску сардэчна запрашае ўсіх ахвотных далучыцца да пілігрымкі, каб пешкі прайсці ад старадаўняй пінскай катэдры да санктуарыя Маці Божай Лагішынскай. Пілігрымы пераадолеюць адлегласць у 25 кіламетраў.
Як адзначаецца на сайце Пінскай дыяцэзіі pcd.by, сёлетняя пілігрымка асаблівым чынам прымеркавана да 110-годдзя пасвячэння касцёла ў Лагішыне, цяперашняга санктуарыя Пінскай дыяцэзіі, у якім захоўваецца цудадзейная ікона Дзіцяткі Езуса і Багародзіцы, Каралевы Палесся, увянчаная папскімі каронамі. Маці Божая Лагішынская з’яўляецца галоўнай апякункай Пінскай дыяцэзіі.
Пілігрымка вырушыць 8 мая ў 9.00 з пінскай катэдры і завершыцца ў 18.00 святой Імшой у Лагішынскім санктуарыі.
Каб атрымаць больш падрабязную інфармацыю пра ўдзел у пілігрымцы, а таксама пра магчымасць начлегу, арганізатары просяць звяртацца па наступных нумарах тэлефонаў (або Viber):
- +375 (29) 325 84 89 – Таццяна
- +375 (29) 850 23 01 – ксёндз Чэслаў
- +375 (29) 727 31 98 – ксёндз Андрэй
або на e-mail: pinskdioces@gmail.com
