Ілюстрацыйная выява з адкрытых крыніц
12–13 мая пры парафіі святога Міхала Арханёла ў Навагрудку (Гродзенская дыяцэзія) адбудуцца «Навагрудскія сустрэчы з араганным і вакальным майстэрствам».
Арганізатары запрашаюць узяць у іх удзел касцёльных арганістаў, якія жадаюць паглыбіць свае веды, уменні і навыкі ў галіне вакальнага і арганнага майстэрства.
- У праграме «Сустрэч»:
- майстар-клас па арганнай і вакальнай тэхніцы;
- лекцыі на тэму духоўнай і камунікацыйнай ролі мастацтва;
- канцэрт арганнай і вакальнай музыкі;
- сустрэча з цікавымі людзьмі і інш.
- Майстар-клас праводзяць:
- Кацярына Вабішчэвіч — выпускніца Беларускай дзяржаўнай акадэміі музыкі па спецыяльнасці «спеў», выкладчыца Брэсцкага дзяржаўнага музычнага каледжа імя Рыгора Шырмы па дысцыпліне «пастаноўка голасу»;
- ксёндз Павел Аляскевіч — магістр тэалогіі і музыкалогіі, дакатарант Люблінскага каталіцкага ўніверсітэта, выкладчык Гродзенскага тэалагічнага каледжа святога Казіміра;
- Калініка Мядзведзева — канцэртуючая арганістка, выпускніца Беларускай дзяржаўнай акадэміі музыкі, выкладчыца Рэспубліканскай гімназіі-каледжа пры БДАМ па дысцыпліне «дадатковы інструмент (арган)» і Мінскага дзяржаўнага музычнага каледжа па дысцыпліне «дадатковы інструмент (клавесін)».
Дадатковая інфармацыя і запіс на майстар-клас па тэл.:
+375 (44) 771 99 83 – Марына
