У аўторак 28 сакавіка ў Хрысціянскім сацыяльным цэнтры ў Мінску пройдзе трэцяя лекцыя ў межах папулярнага курсу, які знаёміць усіх ахвотных з гісторыяй хрысціянства на беларускіх землях.
У чарговай, ужо трэцяй лекцыі, гаворка пойдзе пра перыяд з XVI па XVIІІ стагоддзе.
- Пачатак у 18.15.
Раней ужо былі прадстаўлены тэмы «Пачатак хрысціянства на беларускіх землях (IX–XIII стагоддзі)» і «Гісторыя хрысціянства на беларускіх землях у перыяд з XІІІ па XVI стагоддзе».
На лекцыях удзельнікі маюць унікальную магчымасць пазнаёміцца са шматлікімі помнікамі гісторыі і культуры беларускага хрысціянства, адкрыць для сябе асаблівасці розных канфесій, убачыць рэдкія архіўныя здымкі і артэфакты.
Прапануецца аўтарскае бачанне гістарычных працэсаў развіцця хрысціянскіх канфесій на нашых землях. Прадугледжаны віктарыны, цікавыя пытанні і заданні, а таксама падарункі.
Лектар: навуковы супрацоўнік Павел Каралёў.
Адрас: Хрысціянскі сацыяльны цэнтр, вул. Серафімовіча, 19.
Уваход вольны.
