15 красавіка ў Варшаве адбудзецца з’езд беларусаў каталіцкага веравызнання, якія часова ці пастаянна пражываюць за мяжой і жадаюць маліцца па-беларуску.
Сустрэчу арганізуюць прадстаўнікі беларускіх каталіцкіх супольнасцяў у Польшчы, якія збіраюцца на малітвы на роднай мове ў Варшаве, Гданьску, Беластоку, Любліне, Лодзі, Кракаве, Уроцлаве і Познані.
Мэта сустрэчы — пазнаёміцца, абмеркаваць развіццё беларускіх супольнасцяў па-за межамі Бацькаўшчыны і падзяліцца вопытам будавання такой супольнасці.
«Для кагосьці гэта будзе месца пошуку аднадумцаў, а для кагосьці — крок, каб пачаць маліцца па-беларуску», — адзначаюць арганізатары.
Сустрэча адбудзецца 15 красавіка пры парафіі святога Аляксандра (пл. Трох Крыжоў, Варшава).
- Абавязковая анлайн-рэгістрацыя па спасылцы ТУТ>>>
Больш інфармацыі пра сустрэчу на сайце Душпастырства беларусаў у Варшаве catholicby.pl
