Хрысціянскі сацыяльны цэнтр дабрачыннай Місіі Добрага Самараніна ў Мінску з 15 сакавіка запрашае ўсіх ахвотных на цыкл лекцый, якія пазнаёмяць з найбольш важнымі падзеямі гісторыі хрысціянства з X па XX стагоддзе на беларускіх землях.
Як паведамляецца на сайце місіі Samaranin.by, на лекцыях можна будзе:
- даведацца пра пропаведзь хрысціянства на працягу тысячы гадоў на нашых землях;
- пазнаёміцца са шматлікімі помнікамі гісторыі і культуры беларускага хрысціянства;
- адкрыць для сябе асаблівасці розных канфесій;
- убачыць рэдкія архіўныя здымкі;
- пазнаць вядомых асоб у гісторыі хрысціянства Беларусі.
Прапануецца аўтарскае бачанне гістарычных працэсаў развіцця гісторыі хрысціянскіх канфесій на нашых землях. Прадугледжаны віктарыны, цікавыя пытанні і заданні, а таксама падарункі.
Лектар: навуковы супрацоўнік Павел Каралёў.
Першая лекцыя на тэму «Пачатак хрысціянства на беларускіх землях (IX–XIII стагоддзі)» адбудзецца 15 сакавіка ў 18.15.
Адрас: г. Мінск, вул. Серафімовіча, 19 (непадалёк ад станцыі метро «Пралетарская»).
Уваход вольны. У Місіі будуць удзячныя за ахвяраванні.
