Пошук

24.11.2022 19:19   Catholic.by

У ноч з 10 на 11 снежня ў мінскім катэдральным касцёле Найсвяцейшага Імя Марыі пройдзе чуванне моладзі, якое традыцыйна адбываецца ў перыяд Адвэнту.

Гэтым разам тэмай адвэнтавага чування стануць словы дэвізу Сусветных дзён моладзі, якія пройдуць у 2023 годзе ў Лісабоне: «Марыя ўстала і пайшла паспешна» (пар. Лк 1, 39).

Прадстаўляючы тэму гэтых СДМ, Папа Францішак у сваёй прамове заклікаў маладых людзей быць падобнымі да Марыі, якая «стала святыняй Бога, вобразам пілігрымуючага Касцёла; Касцёла, які выходзіць і аддае сябе служэнню; Касцёла, які нясе Добрую Навіну».

Да ўдзелу ў чуванні запрашаюць усіх ахвотных.

Праграма чування

  • 21.30 — рэгістрацыя ўдзельнікаў, распачацце чування;
  • 22.30 — святая Імша;
  • 5.40 — благаслаўленне, завяршэнне чування.

Юнакі і дзяўчаты, якія не маюць магчымасці асабіста прысутнічаць на чуванні ў катэдры, могуць духоўна далучыцца з дапамогаю анлайн-трансляцыі на партале Catholic.by.

Па пытаннях удзелу звяртацца па тэл.:
+375 (29) 357 15 86 — ксёндз Андрэй Бурак, адказны за душпастырства моладзі Мінска-Магілёўскай архідыяцэзіі

Абноўлена 24.11.2022 20:31
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця