1 мая, у першую нядзелю гэтага веснавога месяца, асаблівым чынам прысвечанага ўшанаванню Багародзіцы, у Гродзенскай дыяцэзіі адзначаецца дыяцэзіяльны Дзень маці.
У Барунах, што на Ашмяншчыне, ёсць прыгожы касцёл святых апосталаў Пятра і Паўла, дзе захоўваецца славуты шматлікімі цудамі абраз Маці Божай Барунскай, Суцяшальніцы засмучаных.
Сёлета спаўняецца 100 гадоў з таго часу, калі гэтая цудадзейная ікона пасля доўгіх вандраванняў вярнулася на сваё першапачатковае месца, якое абрала Марыя.
У дыяцэзіяльны Дзень маці ў святыні, дзе захоўваецца абраз Маці Божай Барунскай, адбудзецца святая Імша ў інтэнцыі ўсіх матуль.
Праграма
- 14.30 – маёвае набажэнства
- 15.00 – святая Імша за ўсіх матуль
Пробашч парафіі ў Барунах ксёндз Павел Паўлюкевіч ад імя мясцовых вернікаў шчыра запрашае далучыцца да супольнай малітвы.
