У суботу 23 красавіка ў Каталіцкім Касцёле адзначаецца ўспамін святога Юрыя, мучаніка.
Гэта адзін з найбольш папулярных хрысціянскіх святых, пра што сведчыць вялікая распаўсюджанасць імені Юрый у розных яго формах ва ўсім свеце.
Свае імяніны ў гэты дзень святкуе таксама Папа Францішак, чыё першае хроснае імя Хорхэ з’яўляецца іспанскай формай імені Юрый.
Ва ўспамін святога Юрыя ў мінскім катэдральным касцёле Найсвяцейшага Імя Марыі адбудзецца ўрачыстая святая Імша з удзелам імяніннікаў: Генеральнага вікарыя Мінска-Магілёўскай архідыяцэзіі біскупа Юрыя Касабуцкага, асабістага сакратара Мітрапаліта Мінска-Магілёўскага арцыбіскупа Юзафа Станеўскага ксяндза Юрыя Ясевіча, прэс-сакратара Канферэнцыі Каталіцкіх Біскупаў у Беларусі ксяндза каноніка Юрыя Санько, пробашча парафіі Найсвяцейшай Тройцы ў Радашковічах ксяндза каноніка Юрыя Быкава і пробашча парафіі Божага Цела ў Мінску айца Юрыя Кулая OCD.
- Пачатак святой Імшы ў 12.00.
Біскуп Касабуцкі і святары-імяніннікі шчыра запрашаюць усіх ахвотных, асабліва тых, хто носіць імя Юрый, да супольнай малітвы ў гэты дзень праз заступніцтва святога апекуна.
На партале Catholic.by будзе весціся прамая трансляцыя ўрачыстай святой Імшы з архікатэдральнага касцёла ў Мінску.
