Фота Людмілы Навіцкай
8 снежня, ва ўрачыстасць Беззаганнага Зачацця Найсвяцейшай Панны Марыі, арцыбіскуп эмерыт Тадэвуш Кандрусевіч наведае Бабруйск, дзе разам з мясцовымі вернікамі возьме ўдзел у парафіяльным адпусце.
З нагоды ўрачыстасці тытулу шматпакутнага бабруйскага касцёла заслужаны іерарх узначаліць у святыні ўрачыстую цэлебрацыю адпустовай святой Імшы.
Пачатак у 18.00.
Пробашч парафіі Беззаганнага Зачацця Найсвяцейшай Панны Марыі ў Бабруйску ксёндз канонік Андрэй Яркавец ад імя парафіянаў шчыра запрашае ўсіх ахвотных узяць удзел у супольнай малітве разам з арцыпастырам.
