У ноч з 11 на 12 снежня ў мінскім катэдральным касцёле Найсвяцейшага Імя Марыі пройдзе чуванне моладзі, якое традыцыйна адбываецца ў перыяд Адвэнту.
Адвэнт — гэта асаблівы перыяд, які з’яўляецца часам радаснага чакання Збаўцы. Праз ноч малітвы моладзь жадае падрыхтавацца да годнага перажывання святаў Нараджэння Хрыста.
Гэтым разам тэмай адвэнтавага чування стануць словы: «Прыйдзіце, убачце і абвяшчайце ўсім народам».
Да ўдзелу запрашаюцца ўсе ахвотныя. Падчас чування захаванне санітарных нормаў абавязковае.
Праграма чування
- 21.30 — рэгістрацыя
- 22.00 — падрыхтоўка да святой Імшы
- 22.30 — святая Імша
- 0.20 — канферэнцыя
- 1.00 — прагляд фільму
- 2.30 — Ружанец
- 3.30 — перапынак на каву
- 4.30 — адарацыя
- 5.40 — благаслаўленне
Юнакі і дзяўчаты, якія не маюць магчымасці асабіста прысутнічаць на чуванні ў катэдры, могуць духоўна далучыцца з дапамогаю анлайн-трансляцыі.
Па пытаннях удзелу звяртацца да ксяндза Андрэя Бурака, адказнага за душпастырства моладзі:
