З 15 па 17 ліпеня адбудзецца XXIV пілігрымка Івейскага дэканату да Маці Божай Тракельскай на роварах. Маршрут пілігрымкі прадугледжвае начлегі ў Лаздунах і Галімшчыне; далучыцца да яе можна на любым этапе.
Як паведамляе Grodnensis.by, пілігрымка распачнецца святой Імшой у Сурвілішках а 9-й гадзіне і завершыцца «сустрэчай з Маці» ў Тракелях а 15-й гадзіне.
Арганізатары заахвочваюць як тых, хто будзе ўдзельнічаць у пілігрымцы, так і іншых ахвотных прыбыць сем’ямі ў Тракелі на «сустрэчу з Маці».
Для ўдзелу ў пілігрымцы арганізатары просяць ахвотных напісаць на электронную пошту dekanat.iwje@gmail.com, падаўшы імя, прозвішча, узрост, парафію і этап далучэння да пілігрымкі.
Сёлетнія ўрачыстасці ў санктуарыі Гродзенскай дыяцэзіі ў Тракелях пройдуць 10–11 ліпеня. Як і летась, пілігрымкі ў санктуарый будуць адбывацца ў індывідуальным парадку.
