3 чэрвеня ў парафіі Божага Цела ў Мінску адбудзецца адпустовая ўрачыстасць Найсвяцейшага Цела і Крыві Хрыста.
З гэтай нагоды цэлебрацыю святой Імшы па адрасе вул. Герасіменкі 6/1 узначаліць Апостальскі адміністратар sede vacante Мінска-Магілёўскай архідыяцэзіі біскуп Казімір Велікаселец.
Пачатак у 19.00.
Падчас святой Імшы група вернікаў прыме сакрамэнт канфірмацыі.
У гэты дзень адпустовыя святыя Імшы ў парафіі будуць цэлебравацца таксама ў 9.00 і 12.00.
Айцы кармэліты босыя, якія нясуць душпастырскае служэнне ў парафіі, ад імя парафіянаў запрашаюць да супольнага святкавання ўсіх ахвотных.
