11–13 чэрвеня пры касцёле святога Міхала Арханёла ў Навагрудку (вул. Савецкая, 2) адбудуцца рэкалекцыі для працаўнікоў сферы ІТ.
Натхненнем для ўдзельнікаў духоўных практыкаванняў стануць словы Хрыста з Евангелля паводле святога Яна: «Гэта Я сказаў вам, каб вы мелі ўва Мне спакой. У свеце зведаеце ўціск, але будзьце адважнымі: Я перамог свет» (Ян 16, 23).
Удзельнікі будуць разважаць пра неабходнасць малітвы і шляхі, якія вядуць да глыбокіх адносін з Богам. У праграме цікавыя канферэнцыі, малітва, абмен досведам у хрысціянскіх праектах і многае іншае.
Рэкалекцыі правядуць ксёндз Яўген Шымановіч, святар з Глыбокага і былы праграміст, а таксама ксёндз доктар Юрый Жэгарын, пробашч парафіі святога Міхала Арханёла ў Навагрудку.
Запіс па тэлефоне:
+375 33 3507534
