Пачынаючы з чарговай сустрэчы, якая адбудзецца 28–30 мая, Біблійная школа «Профэтэс» у Навагрудку прапануе новы, больш даступны фармат навучання.
Цяпер знаёмства са Святым Пісаннем у межах праекту будзе сумяшчаць у сабе больш дакладную працу па зместу Бібліі з паралельным вывучэннем Старога і Новага Запавету.
Дадаецца адна гадзіна для вывучэння старажытных біблійных моваў дзеля агульнай арыентацыі ў арыгінальных тэкстах, а таксама адна гадзіна ўводнага курсу ў Біблію для людзей, якія толькі пачынаюць знаёмства са Святым Пісаннем.
Як і на папярэдніх сустрэчах, застаецца праца ў групах і экзэгезіс (тлумачэнне і разуменне) Божага Слова, святая Імша, адарыцыя Найсвяцейшага Сакрамэнту, таварыскія сустрэчы па вечарах і праграма асабістага чытання Бібліі на кожны дзень.
Біблійная школа ў Навагрудку — гэта пачатковы курс, які ўводзіць слухачоў у пазнанне і разуменне тэкстаў Старога і Новага Запавету. На працягу ўсяго года раз на месяц кожны ахвотны можа тут знайсці адказы на пытанні, звязаныя з Бібліяй, з гісторыяй яе ўзнікнення, а таксама з пасланнем, якое нясе ў сабе Божае Слова для жыцця кожнага канкрэтнага чалавека.
У занятках можа ўдзельнічаць кожная паўналетняя асоба.
Асаблівым чынам арганізатары запрашаюць на сустрэчы лідараў евангелізацыйных груп, аніматараў біблійных сустрэч, а таксама ўсіх, хто хоча лепш ведаць Божае Слова.
Мэтай біблійнай школы «Профэтэс» з’яўляецца не толькі пазнанне зместу, пасылу і асноўных праўдаў хрысціянскага вучэння, але таксама падтрымка тых, хто хоча лепш ведаць Божае Слова і на ім будаваць сваё ўласнае жыцццё. Для гэтага ў Біблійнай школе ствараецца духоўная і малітоўная супольнасць з магчымасцю падзяліцца досведам, наладзіць адносіны і сяброўства, развіваць служэння пры парафіях, падтрымліваць душпастыраў у іх евангелізацыйных ініцыятывах.
Заняткі адбываюцца раз на месяц пры касцёле святога Міхала Арханёла ў Навагрудку, пры былым кляштары айцоў дамініканаў.
Адрас: г. Навагрудак, вул. Савецкая, 2.
Запісацца на біблійныя сустрэчы можна па тэлефоне:
- +375 44 771 99 83 — Марына
або даслаць запыт на электронную пошту:
