22–23 мая ў парафіі святога Казіміра ва Уселюбе (Навагрудскі дэканат) пройдуць рэкалекцыі на тэму «Як пабудаваць здаровыя адносіны з Богам?».
У праграме рэкалекцый — святыя Імшы, адарацыя Найсвяцейшага Сакрамэнту, канферэнцыі, малітва аздараўлення, магчымасць прыступіць да сакрамэнту пакаяння і правесці духоўную размову са святаром. Рэкалекцыяніст — ксёндз Віталій Цыбульскі, пробашч уселюбскай парафіі.
Які вобраз Бога мы носім у сабе? Дапамагае ён ці перашкаджае ў адносінах з Богам? Ці не маем мы духоўных ілюзій або стэрэатыпаў пра Бога, малітву і веру?
На гэтыя і іншыя пытанні ўдзельнікі духоўных практыкаванняў будуць шукаць адказы разам са святаром, каб вучыцца жыць у паўнаце веры, чэрпаючы сілы і надзею ў Божым слове і сакрамэнтах.
Для ўдзельнікаў прадугледжаны начлег і харчаванне ў Доме пілігрыма. Кошт удзелу — дабравольная ахвяра.
Пачатак рэкалекцый у суботу 22 мая ў 11.00 (святая Імша), заканчэнне — у нядзелю 23 мая ў 13.30.
З сабой мець Біблію, нататнік для запісаў і зменны абутак.
Кантакты для рэгістрацыі:
+375 (29) 280 05 45 (запіс магчымы таксама праз паведамленне ў Viber)
e-mail: casimir1433@gmail.com
Інфармацыя пра даезд ва Уселюб пададзена на сайце парафіі ТУТ>>>
