25 лютага ў 19.00 у парафіі Маці Божай Будслаўскай ў Мінску (Чырвоны бор, станцыя метро «Каменная горка») моладзь Мінска збярэцца на адарацыю і супольную малітву. Такая сустрэча на пачатку Вялікага посту будзе праходзіць ужо трэці год запар.
Разважанні, падрыхтаваныя да адарацыі, будуць сугучныя з тэмай Года святога Юзафа, абвешчанага ў Касцёле Папам Францішкам.
Моладзь будзе разважаць і маліцца, углядаючыся ў прыклад святога Юзафа — чалавека простага і вернага, які адчуў заклік да ўдзелу ў гісторыі Збаўлення, да чаго Бог заклікае кожнага чалавека, кожнае сваё ўмілаванае дзіця.
Да ўдзелу запрашаецца моладзь з усіх парафій Мінска.
Адрас парафіі: вул. Прытыцкага, 107а.
Дадатковая інфармацыя па тэлефоне:
+375 (29) 357 15 86 кс. Андрэй Бурак
