У Гродне арцыбіскуп Кандрусевіч узначаліць цэлебрацыю святой Імшы за спачылага айца Казіміра Жыліса SI у дзень яго пахавання, 19 лютага. У нядзелю за памерлага святара памоляцца таксама ў Індуры, дзе ён доўгі час быў пробашчам тутэйшай парафіі Найсвяцейшай Тройцы.
- У пятніцу 19 лютага ў катэдральнай базыліцы святога Францішка Ксавэрыя ў Гродне адбудзецца святая Імша аб вечным жыцці для айца Казіміра Жыліса SІ.
Цэлебрацыю ўзначаліць блізкі сябра спачылага езуіта Ганаровы Мітрапаліт Мінска-Магілёўскі арцыбіскуп Тадэвуш Кандрусевіч.
Пачатак у 12.00.
- У нядзелю 21 лютага ў парафіяльным касцёле Найсвяцейшай Тройцы ў Індуры (дэканат Гродна-Захад) адбудзецца святая Імша ў інтэнцыі памерлага айца Казіміра Жыліса SІ.
У 1983–2000 гг. святар быў пробашчам гэтай парафіяльнай супольнасці.
Пачатак у 9.30.
Айцец Казімір Жыліс SI адышоў у вечнасць 15 лютага ў Варшаве. Паводле старадаўняй манаскай традыцыі, спачылы святар будзе пахаваны ў пятніцу 19 лютага ў адмысловай пахавальні айцоў езуітаў на Павонзкаўскіх могілках — найбольш вядомым і старажытным варшаўскім некропалі.
- Пахавальная святая з санктуарыя святога Андрэя Баболі ў Варшаве будзе трансліравацца ў прамым эфіры.
Пачатак 19 лютага ў 12.30 (па Мінскім часе).
