У сувязі з пандэміяй каранавірусу чуванне моладзі пад назвай «Калядная гісторыя» адбудзецца ў мінскай архікатэдры 19 снежня ў анлайн-фармаце.
Дзякуючы выкарыстанню сучасных тэхналогій будзе магчымасць духоўнага ўдзелу ў малітве, што, нягледзячы на выкліканыя каранавірусам складанасці, паспрыяе будаванню супольнасці каталіцкай моладзі Мінска-Магілёўскай архідыяцэзіі і ўсёй краіны.
Праграма чування:
- 20.00 — святая Імша;
- пасля Імшы — адарацыя Найсвяцейшага Сакрамэнту;
- 23.00 — благаслаўленне на заканчэнне чування.
Моладзь і іншых вернікаў, якія будуць мець жаданне, заахвочваюць далучыцца да чування ў гэты час дома ці ў сваіх парафіяльных супольнасцях праз трансляцыю на Catholic.by.
Для ўдзелу ў чуванні неабходна выбраць адпаведнае месца для малітвы (касцёл, супольнасць моладзі, прыватны пакой і г.д.), падключыцца да трансляцыі на партале Catholic.by. Таксама ўдзельнікам спатрэбяцца аплатка, ружанец і свечка.
Арганізатары заахвочваюць падчас чування зрабіць сваё фота або фота супольнасці, з якой удзельнік перажывае чуванне, і выкласці ў Instagram ці VK з хэштэгам #калядная_гісторыя або даслаць у direct @moladz_katedra. «Такім чынам, знаходзячыся далёка, мы зможам адчуць блізкасць адзін аднаго», — адзначаюць яны.
Удзельнікаў чакаюць святая Імша, адарацыя Найсвяцейшага Сакрамэнту, дзяленне аплаткай, супольная малітва і спеў.
Арганізатары заахвочваюць далучыцца да чування 19 снежня ў 20.00, «каб перажыць сваю калядную гісторыю».
Па ўсіх пытаннях звяртацца па тэл.:
+375 29 357 15 86 — кс. Андрэй Бурак, вікарый катэдральнай парафіі ў Мінску.
