У юбілейны год святога Яна Паўла ІІ у Нарачы ўрачыста адзначаць успамін Вялікага Папы

13.10.2020 08:56 Паводле: Naracz.by / Catholic.by

Фота: Naracz.by

У нядзелю 18 кастрычніка ў парафіі святога Андрэя, апостала, у Нарачы (Мядзельскі дэканат) адзначаць літургічны ўспамін Святога Яна Паўла ІІ і 100-годдзе з дня нараджэння Вялікага Папы.

Урачыстая святая Імша з гэтай нагоды распачнецца ў 10.30.

Пасля яе заканчэнння адбудзецца працэсія да помніка Вялікага Папы на прыкасцёльным цвінтары, малітва і ўшанаванне рэліквій святога Яна Паўла ІІ, якія з пашанай захоўваюцца ў нарачанскім касцёле.

Акрамя таго, адбудзецца ўзнагароджанне ўдзельнікаў анлайн-конкурсу ведаў і конкурсу малюнкаў, якія праходзілі ў Нарачы ўвесну і былі прымеркаваны да 100-годдзя з дня нараджэння святога Яна Паўла ІІ.

Абноўлена 13.10.2020 08:57

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.