24 верасня ў мінскай архікатэдры Найсвяцейшага Імя Марыі пройдзе сустрэча пад назвай «Выйдзі на сувязь з Касцёлам», у межах якой адбудзецца благаслаўленне моладзі і студэнтаў на новы навучальны год.
Сустрэча распачнецца ў 18.30 святой Імшой, падчас якой благаславяць студэнцкія залікоўкі і адбудзецца адмысловая малітва за Беларусь. Працягам стане прадстаўленне супольнасцяў моладзі з розных парафій.
Праз іх маладыя людзі змогуць даведацца, дзе можна разам цікава і з карысцю праводзіць час, паглыбляючы сваю веру.
Пасля запланавана інтэграцыйная праграма ў дольным касцёле.
Да ўдзелу запрашаецца моладзь ад 16 гадоў.
Адрас: архікатэдральны касцёл Найсвяцейшага Імя Марыі, г. Мінск, пл. Свабоды, 9, ст. метро «Няміга», «Кастрычніцкая».
Па ўсіх пытаннях звяртацца па тэл.: +375 29 357 15 86 — кс. Андрэй Бурак, вікарый катэдральнай парафіі ў Мінску.
