Парафія святога Міхала Арханёла ў Навагрудку (Гродзенская дыяцэзія) запрашае на рэкалекцыі, якія 25–27 верасня тут правядзе кс. Антанэлло Кадэду — італьянскі святар, які аддана служыць сярод найбяднейшых і адкінутых у Бразіліі.
Ксёндз Антанэлло Кадэду (Antonello Cadeddu) — вядомы місіянер, харызматык, сузаснавальнік супольнасці «Запавет Міласэрнасці», якая ўзнікла ў Сан-Паўлу ў 2000 годзе.
Жадаючым узяць удзел у рэкалекцыях неабходна запоўніць форму па спасылцы ТУТ>>>
або запісацца па тэлефоне: +375 (44) 771 99 83 — Марына.
Праграма рэкалекцый
Пятніца, 25 верасня
- 16.00–20.00 — рэгістрацыя ўдзельнікаў
- 20.00 — выстаўленне Найсвяцейшага Сакрамэнту і адарацыя
Субота, 26 верасня
- 9.30 — спеў праслаўлення
- 10.00 — уступная канферэнцыя
- 11.30 — спевы праслаўлення
- 12.30 — канферэнцыя
- 13.30 — абед
- 14.00 — споведзь (споведзь да св. Імшы)
- 15.00 — Вяночак да Божай Міласэрнасці. Канферэнцыя
- 17.00 — вячэра
- 18.00 — святая Імша
- 19.30 — адарацыя Найсвяцейшага Сакрамэнту
- 21.00 — благаслаўленне Найсвяцейшым Сакрамэнтам і завяршэнне адарацыі
Нядзеля, 27 верасня
- 9.30 — спеў праслаўлення
- 10.00 — канферэнцыя
- 11.30 — перапынак
- 12.00 — святая Імша
Кс. Антанэлло Кадэду займаецца евангелізацыяй моладзі і беднаты ў фавэлах Сан-Паўлу. Разам з ксяндзом Энрыкэ Порку і свецкімі вернікамі-валанцёрамі яны заснавалі супольнасць «Запавет міласэрнасці», якая, акрамя Бразіліі, дзейнічае ў Бельгіі, Францыі, Партугаліі, Італіі і Польшчы.
Харызма супольнасці «Запавет міласэрнасці» — евангелізацыя найбяднейшых і адкінутых супольнасцю людзей: бяздомных, прастытутак, вязняў, а таксама правядзенне евангелізацыйных рэкалекцый у парафіях.
Гэтая супольнасць аб’ядноўвае мужчын, жанчын, моладзь і дзяцей, святароў і сясцёр законных у адзінай справе евангелізацыі, якой кіруе Святы Дух. Словамі, малітвай і справамі члены супольнасці здзяйсняюць шматлікія справы міласэрнасці для душаў і целаў сваіх бліжніх.
